Annelise Hübner - Mundart

Annelise Hübner

Mundart von Anneliese Hübner

 
 


Cobarch

A Tassla Kaffee bain Tschiibo,
a Broutwuescht auf’n Margt
un an Schtroufzettl an Auto:
Dou wäss me, dös me in Cobarch wae!
 


Wemme widde hämmkümmt ...


Wemme widde hämmkümmt
van Italjen odde Schpanjen
odde van süst wuuhaa

un fääet dann su langsam
in Itzgrund rauf un siit scho
van waitn di Festung

un gett widde üüwern
Cobarche Margt un gricht dann
su a Düftla nai di Nous,

dou läfft en des Wasse
in Maul zamm un me socht
bluues noch ääs:

A Häezochtum, a Häezochtum
fe a Broutwuescht! 

Wunschtraam van an Cobarche Schtänz

Äämool noch möcht iich
mit main Schlittn
durch de Schpit gebräsch,
des Fanste runtegelaije,
des Autoraadjo vuel aufgedraa
un debai dii Schnäggn
ganz lässich zugewingg,
dii aufgemotzt auf'n
Bürcheschtaich rümschlänzn.
Des töit me su raushenga!

Oue hait
siit en ja nümma määe aa,
wos me fe a Kall is:
Schais Fuusgängezoona!


Hoffnung


Iich wäss net,
wos iich
üüwe mai Schtadt
souch soll.

Dii Schtrousn,
dii Häuse,
dii Leut -
senn su
wii wuuannesch aa.

Oue bluues dou,
bluues in daare Schtadt,
ka iich drauf ghoff,
dös iich en traff,
daa siich an mai
Gsecht derinnert,

wenne aa scho
goa nümme wäss,
wii iich häss.
 


Diese Seite weiter empfehlen

Zurück zum Artikel